हमर छत्तीसगढ़

।। हमर छत्तीसगढ़ ।।

विकास करईया देश म संगी

अईसन हमर छत्तीसगढ़ हे

सरकार चलावत हे सर्व शिक्षा अभियान

न कोई इहां अनपढ़ हे

पांव खलहारत हे महानदी जेकर

खोंपा सिहावा पर्वत हे

धान के कटोरा जिहां भईया

सुघ्घर सोन चिरईया नाचत हे

का बतावंव संगवारी मया इहां बढ़ हे

विकास करईया देश म संगी

अईसन हमर छत्तीसगढ़ हे

महर महर महकत हे ईहां के माटी

जेमा खेलथे लईका मन भउरा बाटी

चारो कोती जंगल झाड़ी

नदिया नरवा अऊ पहाड़ी

छत्तीसगढ़ के ये धड़ हे

विकास करईया देश म संगी

अईसन हमर छत्तीसगढ़ हे

छत्तीसगढ़ के रखवाला संगी हमर किसान हे

काकरो भाई भईया त काकरो मितान हे

गौरव करईया राज्य के ये आन हे

माटी के सपूत भईया छत्तीसगढ़ के जान हे

दुसर के सुख दुःख हरईया

तैयार खुद के जान दे बर हे

विकास करईया देश म संगी

अईसन हमर छत्तीसगढ़ हे

रचनाकार - राजेश कुमार निषाद

चपरीद (सामोद) आरंग 

मोबा.- 97 13 872983