छत्तीसगढ़ी साहित्य संग्रह : करो योग रहो निरोग

गुरुवार, 2 जुलाई 2015

।। करो योग रहो निरोग ।।

थोरकुन तो अपन देह के सोग ल क़र।

खवई-पियइ-सुतई म झन रोग ल धर।।

बिहनिया ले नहा धोके सरकी जमा।

'योग' के आसन बर हाथ गोड़ लमा।।

आनी-बानी के आसन 20 मिनट कर।

प्रनायाम करे बर थोकिन ध्यान धर।।

अतके म जम्मो बीमारी दुरिहा जही।

रोज करबे त केन्सर घलो भगा जही।।

न कोनो चिड़चिड़ासी न लगय थकासी।

मुहु म चमक रही फिट रहिबे जी काँसी।।

बुधारू,समारू अऊ मयारू जम्मो करबो।

निरोगी देह पहली सुख सियानगोठ धरबो।।

जम्मो दुनिया ल घलो चलना जी सीखाबो।

हमर भारत भुइया ल फेर बिश्वगुरु बनाबो।।