अंध सरद्धा म जकड़े इंसान हे

।। अंध सरद्धा म जकड़े इंसान हे ।। 

आस्था के इंहा खुले जगा जगा दुकान हे

अंध अऊ सरद्धा म जकड़े इंसान हे

ढोंगी-पाखंडी अऊ चोर-उचक्का

लोभी पापी मन बन बईठे भगवान हे

अंध बिसवास के चारो मुड़ा बगरे अज्ञान हे

छोटे-बडे, पढ़े-लिखे सबो बनत उखर गुलाम हे

आश्रम के आड़ म होवत इंहा अनाचार हे

सन्त, महत्मा, बाबा बन करत इहां बैपार हे

चढ़ावा के नाम म भरत अपन भंडार हे

जिहां सरद्धा बिस्वास ले होवत खिलवाड़ हे

आज देस म हमर, ये का का होवत हे

देख के हिरदय ह मोर रोवत हे

देख के हिरदय ह मोर बड़ रोवत हे

✏ भारत धीवर 

हनुमान नगर मठपारा 

रायपुर छत्तीसगढ़ 7828441117 

bharatdhiwar1982@gmail.com