!! फौजी बने के सपना !!
संगी जहुंरिया सन खेल कुदके
होगेवं मैंय जवान
पढ़हे लिखे के दिन पुरगे
सुरता आत हे मितान
पढ़हे लिखे बर जोजियात रहय
घर के मोर सियान
मोर सपना ल पुरा करहुं
बनहुं फौजी जवान
सीना तान के सीमा म
भारत मां के रक्षा करहुं
हाथ म बंदुक गोला बारुद
दुश्मन मन के नाश करहुं
छत्तीसगढ़ के दुलरवा बेटा अंव
अपन प्राण भारत मां बर न्यौछार करहुं
गरब होहि मोर गांव के नांव
दाई ददा के मान रखहुं
भारत मां के रक्शा करे बर
ठाने हंव अपन परान
डर भंय आतंक ल खतम करहुं
आहि नवा बिहान
✏ सोनु नेताम गोंड ठाकुर
नवागांव जिला धमतरी
ठउंर - माना कैंम्प राईपुर
मोबा.- 98 27 356012
कोई टिप्पणी नहीं:
एक टिप्पणी भेजें