।। तीजा मनाय ल जाबोन ।।
चल बहिनी अब,तीजा मनाय ल जाबोन
नानपन के सहेली से,मिल के हम आबोन
दाई के सुरता ह,अब्बड़ मोला आवत हे
रहि रहि के मन ह,मइके डाहर जावत हे
नावा नावा लुगरा,मइके ले लाबोन
चल बहिनी अबतीजा मनाय ल जाबोन
भाई मोर देखत होहीबहिनी मोर आही
भतीजा ह देखत होही,कपड़ा मोर बर लाही
रहिबोन उपास,शिव भोला ल मनाबोन
चल बहिनी अब,तीजा मनाय ल जाबोन
लईका मन बर बईला,चुकी पोरा बिसाबोन
ठेठरी खुरमी अउ,मीठ कतरा बनाबोन
घूम घूमके सगा पारापरसाद ल खाबोन
चल बहिनी अबतीजा मनाय ल जाबोन
कोई टिप्पणी नहीं:
एक टिप्पणी भेजें