पीतर पाख म

।। पीतर पाख म ।।

अपन पुरखा ल मनाहू गा

ओकर सुरता म आसू गिराहू गा

पीतर पाख म

कका बडा दाई महतारी

आवय जम्मो ओसरी पारी

मरे मरे ल हमन जियाहू गा

पीतर पाख म

आदर खातिर ईही सियानी

देहू दुबी अउ कुस मा पानी

बईठक ल ओरवाती म बनाहू गा

ले ले के सब ओकर नाव

हुम ल देके परहू पाव

बरा उरा के भोग लगाहू गा

पीतर पाख म

पुरखा पानी कईसे पाही

मरे जीव ह कईसे आही

मन म सरधा बिसवास जगाहू गा

पीतर पाख आवत हे

 दाई ददा कका बबा हमर पुरखा ल गोहराहू गा

झन मरय सरग म पियास अईसन पानी पियाहू गा

रचनाकार - सकुन साहू शैली 

कुरुद साजा जिला बेमेतरा छ.ग.