।। गांव क़े सरकार।।
मुड़ म पागा बाँध के संगी
बोदा ह हुसियार बने हे
पर के मुँह म पान खाके
अड़हा ह बुधियार बने हे
गरीब के कोनो नई हे सुनईया
बड़हर के लाठी घलो तलवार बने हे
अउ कोंदा ह हाथ म धर के लाठी
गांव के कोटवार बने हे
डोंगा के डुबईया मन
देखव आज पतवार बने हे
गाँव के जम्मो चोरहा संगी
गाँव के रखवार बने हे
कइसे होही गाँव के भला
कइसे होही उद्धार बने
ले दे के तो नवा नवा
गाँव के सरकार बने हे
▫▫▫▫▫▫▫▫▫▫▫▫▫▫▫▫▫▫
रचनाकार - तरूण बारले
धनसुली बाराडेरा रायपुर
मोबा. - 9009191035
कोई टिप्पणी नहीं:
एक टिप्पणी भेजें