नवा साल होंगे
▪▪▪▪▪▪▪▪▪▪▪▪▪▪▪▪▪▪▪▪▪▪▪▪
जिनगी सरहा पताल होंगे
तोर मया जी के जंजाल होंगे
छुटगे जम्मो संगी-संगवारी
घर म घलो बारा हाल होंगे
नई बांचव मय ह हाय दादा
ये बोकरा फोकट हलाल होंगे
उत्ती बुड़तीरातदिन तोर सुरता
हिरदे म ये का भूचाल होंगे
जबरन मय देखेव तोर सपना
गाँव भर म फोकट बवाल होंगे
सिरतोन कहत हौ जेन मया म लुटगे
प्रसाद उही ह मालामाल होंगे
जेन दिन बिहिनियां ओला देखव
मोर बर उही नवा साल होंगे
▪▪▪▪▪▪▪▪▪▪▪▪▪▪▪▪▪▪▪▪▪▪
रचना- मथुरा प्रसाद वर्मा
ग्राम - कोलिहा बलौदाबाजार
मोबाईल :- 8889710210
कोई टिप्पणी नहीं:
एक टिप्पणी भेजें