आबे संगि कभु,रइपुर घुमाहु तोला

।। आबे संगि कभु,रइपुर घुमाहु तोला ।।

दूधाधारी मठ मा बिराजे परभु

सिरि राम के दरसन कराहु तोला

पारा महामाई मा बिराजे दाईं

महामाई केदरसन कराहु तोला

कंकालि तरिया पार मा बिराजे

दाईं कंकालिन के दरसन कराहु तोला

आबे संगि कभु,रइपुर घुमाहु तोला

घड़ी चउक देखाहु तोला

मोति गारडन देखाहु तोला

हमर छत्तीसगढ़ के मंगल पांडे

शहीद बिर नारायण जिहा शहीद होए रिहिस

ओ जय इसतम चउक देखाहु तोला

आबे संगि कभु,रइपुर घुमाहु तोला

किरकेट स्टेडियम देखाहु तोला

हाकि स्टेडियम देखाहु तोला

परभात टाकिज मा लेगहु अउ फिलिम

राजा छत्तीसगढ़िया देखाहु तोला

आबे संगि कभु,रइपुर घुमाहु तोला

बुढ़ा तरिया के बिच पार देखाहु तोला

गांधी उदियान घुमाहु तोला

हिरदय कस अकार मा बने तरिया तेलिबांधा

के मरिन डराइव देखाहु तोला

आबे संगि कभु,रइपुर घुमाहु तोला

कलर माल घुमाहु तोला

सिटि सेंटर माल घुमाहु तोला

मार जगमग जगमग करत

मेगनेटो माल घुमाहु तोला

आबे संगि कभु,रइपुर घुमाहु तोला

गोल बजार देखाहु तोला

सासतिरि बजार देखाहु तोला

सोना चांदी बेचत सुघ्घर

सदर बजार घुमाहु तोला

आबे संगि कभु,रइपुर घुमाहु तोला

रचनाकार - सालिक ओझा

हनुमान नगर मठपारा रायपुर 

मोबा. 8602203368