नारी के पीरा
अतयाचारी मन आज भी बईठे
बजबजावत नाली कस कीरा
देखत मन कलप जाथे
नई सहावय नारी के पीरा
कतको रावण बईठे ईहा
ताक़त हाबय सीता ल
दुरपति के चीरहरण होवत हे
का गोठियाबे फरहीत्ता ल
कतको कालनेमी राक्षस बईठे
बन के साधु भेस मे
नारी ल जिंहा देवी मानथन
का होवत हे अइसन देश मे
कतको निरभया शिकार होगे
अइसन शईतान शिकारी के
सबो के बहिनी बेटी हाबय
सम्मान कर लव नारी के
▫ ▫ ▫ ▫ ▫ ▫ ▫ ▫ ▫ ▫ ▫ ▫ ▫ ▫ ▫
कोई टिप्पणी नहीं:
एक टिप्पणी भेजें