किसान आज अपन
करम ल ठठावत हे
--------------------------------------------
बिहनिया ले चिरई चहकीस
किसान मजदूर बन ठन निकलीस
करमा ददरिया गीत सुनावत हे
तभो किसान अपन करम ल ठठावत हे
मजदूर धरे हे रापा,धमेला अऊ कुदारी
बेटा सुआरी संग हावय संगवारी
हटर - हटर घाम म कमावत हे
तभो ले किसान आज अपन...
अब जाके सुग्घर अन्न उपजाईस
नइ होइस त अपन करम ल ठठाइस
बने उपजे हे अन्न त खुशी मनावत हे
तभो ले किसान आज अपन...
बेलन ल भुलागे,थ्रेसर म मिंजवावत हे
अन्न दाई घर घलो नइ आवय
खेत डहर ले ही मंडी पहुचावत हे
ऐखरे सेती किसान आज अपन......
---------------------------------------------
रचना - पवन नेताम "सुरबईहा"
ग्राम - सिल्हाटी तह - स/लोहारा
जिला - कबीरधाम(छग)
मोबा - 9098766347
कोई टिप्पणी नहीं:
एक टिप्पणी भेजें